KJK: Jİ MERAŞÊ HETA Bİ ROBOSKÎ DİVÊ EM RÊXİSTİNİYA ÊŞA XWE BİKİN

2

KJK’ê têkilî salvegera Komkujiya Meraşê daxuyanî da û got, ”Êş dema ku vegeguhere ser hêzên bimane ye. Divê em bi hişmendiyeke ku rêxistiniya êşê dikin nêzîkatî lê bikin.”

Koordînasyona KJK’ê bi pêkana Komkujiya Meraşê daxuyaniyeke niviskî da.

‘ÊRÎŞ BIRIN SER MEYLA JIYANA AZAD’

KJK’ê di daxuyaniyê de diyar kir ji Meraşê ta bi Roboskiyê komkujiyên di dîroka nêz a Kurdistanê de ji hêla dewleta Tirk a bi hişmendiya qirker, yekreng, ”bi rengekî sîstematîk hatiye kirin” û ev kokmujî li dijî hemû komên baweriyê yên muxalîf, li dijî gelan, jinan û li ser hemû çadan bi polîtîkayên înkar û îmhayê hatiye domandin.

KJK’ê got,”Komkujiya Meraşê bi mebesta gefxwarina li Tevgera Azadiya Kurd û bi qirkirina gel pirnisandin e. Bi Komkujiya Meraşê re gelê Kurd ê bi bawriya Elewî û jinên Kurd ên Elewî ji ber meyla li ser azadî û demokratîkbûnê û lêgerîna vê jiyanê hatine cezakirin.”

‘NÊZÎKATIYEKE POLÎTÎK E’

KJK’ê di daxuyaniya xwe de got, ”Herêma Meraşê ji zû de dihate armanckirin ku bi destê dewletê were valakirin, nifûsa wê were guherandin û li qadên ku Elewî lê dijiyan dihate xwestin ku mirovên ji komarên Tirkî yên milliyetgir werin zêdekirin û ji hêla dewletê ve ku li dijî tecrûbeya madî û manewî ya nifûsa Kurdên Elewî bi hîsên dijminatî nêz dibû, ji hêla avaniyeke tim dihate sorkirin û ji bo êrîşê dihate teşwîqkirin hate rêxistinkirin. Wiha di navbeyna 3 gundên Kurdên Elewî de mihacirên Tirk-Sinî yên Bulxar ên koçber hatin bicihkirin. Ev ji serdema Ozal û vir ve zêdetir geş bûye. Ev nêzîkatiyeke polîtîk e ku bi destê dewletê ve tê rêvebirin û tê xwestin ku Kurdên Elewî werin dorpêçkirin.”

‘TIM BI STRATEJÎK NÊZÎKATÎ LÊ HATIYE KIRIN’

KJK’ê bi domdarî got,”Dewleta serwer ku Elewîtîyê mîna baweriyekê nabîne, bi hişmendiyeke Sinî, bi mebesta diyarkirin rêyên pirnisandina Elewî û Kurdan, tim bi stratejîk nêzîkatî lê kiriye. Ocaxên Elewî, ziyaretgehên wan, dergahên wan hatine kavilkirin. Elewîtî ti caran mîna baweriyekê nehatiye dîtin. Berevajî ev qadên baweriyê hatin şewitandin, kavilkirin.”

‘ÊŞ DEMA KU VEDIGUHERE HÊZÊ WATEDAR E’

KJK’ê bi domdarî got, ”Komujiya Meraşê divê xwe ji bandora fetisandinê ku êş veguheriye şîngirtinê were xilaskirin û nebe amûra ku ji hêza berxwedanê bikeve. Ev êş dive veguhere ser tolhildanê, lixwegerînê û xwedîderketina li nirxên xwe. Êş dema ku veguhere ser hêzê watedar e û mirov xurt dike. Êş heke kabê li mirov bişikîne, ûjdanê me ko bike û vîna me heps bike, ev êş encama wê ye ku dijmin dixwaze vê biafirîne. Em divê bi hişmendî û vîna ku vê encamê qebûl nake, rêxistiniya êşê dike, radike ser piyan û vediguherîne hêzê nêzîkatî lê bikin û di wê têkoşînê de ya ku ya aidî me ye em dîsa bistînin û lê xwedî derkevin, divê em ji her kezî zêdetir bixebitin û xwe tevlê bikin.”

‘JIN BI TAYBETÎ KIRIN HEDEF’

KJK’ê bal kişande ser bandora Komkujiya Meraşê ya li ser jinan jî û got,”Di Komkujiya Meraşê de jin bi taybetî kirin hedef. Gelek jinên Elewî di vê komkujiyê de hatin kuştin. Ên man jî travmayeke mezin jiyan. Asîmîlasyonê herî pir bandor li jinan kir. Jina ku hilgirê bawerî û çandê bû hate pasîfkirin.”

‘RÊÇA BERXWEDANÊ DIDOME’

KJK’ê herî dawî got ”Dewleta TC’ê ku sicîla wê ya komkujiyê qeyîm û bêkêmasî ye vê rêçê didomine. Li Roboskî 34 can, zar û zêç ji hêla vê rejîma dilneşewat ve bi komkujiyeke dubarekirî hatine kuştin.